02 мар 10:20
Янгиликлар

Футбол

"Насаф" титул ҳомийга эга бўлди. Суперлиганинг яна қайси жамоаларида титул ҳомий йўқ?

Кеча "Насаф" "Хоразм"га қарши учрашувда ўз титул ҳомийсига эга бўлганини маълум бўлди.

"Аждарлар" Қашқадарёнинг йирик ишлаб чиқарувчи корхона "SSmart" билан келишувга эришган. "SSmart" ақлли телевизорлар ишлаб чиқариш билан шуғулланади.

Эндиликда Суперлиганинг титул ҳомийси йўқ жамоалар сони тўртта қолди. Улар - "Бунёдкор", "Хоразм", "Машъал" ва "Қўқон-1912" жамоалари.

Қизиғи, "Қўқон-1912" жамоасида ўтган мавсумда ҳам титул ҳомийси йўқ эди. Ўтган мавсумда "Машъал"нинг титул ҳомийси "Ўзбекистон Миллий банки" эди. "Бунёдкор"да "Ўзбекнефтгаз" титул ҳомийси бўлган бўлса, "Хоразм" жамоасининг либосларида "Uztelekom" логоси туширилганди.