25 май 09:08
Янгиликлар

Бокс/ММА

Навбаҳор Ҳамидова лицензион турнирдаги иштирокини ғалаба билан бошлади

Таиланд пойтахти Бангкок шаҳрида бокс бўйича Париж Олимпиадаси учун сўнгги лицензион турнир старт олди.

Кеча боксчиларимизнинг лицензион турнирдаги иштирокини Навбаҳор Ҳамидова бошлаб берди. -66 кг вазндаги боксчимиз илк даврада болгариялик Жоана Нвамеруега қарши рингга кўтарилди.

Уч раунд тўлиқ давом этган жангда Ҳамидова ҳакамларнинг якдил қарори билан 5:0 ҳисобида ғалаба қозонди. Энди у кейинги босқичда Леоне Мюллерга қарши рингга кўтарилади. Германиялик бу боксчи тўғридан-тўғри иккинчи даврадан баҳсларга қўшилади.

Бугунги кун дастуридан боксчиларимиз иштирокидаги жанглар ўрин олмаган. -60 кг вазндаги боксчимиз Рашида Тагирова қуръага кўра ўз юришини иккинчи босқичдан бошлайди. -75 кг вазндаги Азиза Зокирова эса илк жангини латвиялик Китижа Зарбергага қарши ўтказади.