14 ноя 22:00
Янгиликлар

Тадбирлар

Навоий вилояти ҳокими спортчилар ва иқтидорли ёшлар билан учрашди

Навоий вилояти ҳокими К.Турсунов бошчилигида нуфузли халқаро мусобақаларда юксак натижаларга эришган спортчиларни тантанали тақдирлаш маросими бўлиб ўтди.

Маросимда спортчилар, фан-техника йўналишида ютуқларга эришган ёшлар, мураббийлар ҳамда уларнинг ота-оналари иштирок этди.

Жумладан, 2019 йил мобайнида спортчиларимиз Жаҳон чемпионатлари ва кубокларида 29 та, Республика мусобақаларида мингга яқин турли даражадаги медалларни қўлга киритди.

Буларга мисол қилиб, оғир атлетикачи қизлар – Халқаро тоифадаги спорт усталари Кумушхон Файзуллаева, Долерахон Давронова ва спорт усталигига номзод Нигора Сувоноваларнинг КХДРнинг Пхеньян шаҳридаги Осиё чемпионатида муваффақиятли иштирок этганини келтириб ўтишимиз мумкин.