"Нефтчи" учун жиддий йўқотиш. Клуб футболчиси бугун Малайзияга йўл олади

Ярим ҳимоячи Нурилло Тўхтасинов иккинчи даврадан бошлаб Малайзиянинг "Теренггану" жамоасида тўп тепади. Нурилло бугун кечки пайт Малайзияга учиб кетади.  Мамлакат Суперлигасида иштирок этадиган мазкур клуб сафида яна бир ўзбекистонлик футболчи Сардор Қулматов ҳам тўп тепмоқда. Улардан ташқари Бахрайн, Хорватия, Гана, Филиппин мамлакатидан келган легионерлар ҳам таркибдан ўрин олган. 

Маълумот учун, Нурилло Тўхтасинов биринчи даврада "Нефтчи" сафида 13 та учрашувда майдонга тушди. Рақиб дарвозасига 3 бор йўл топди ва 2 та ассист қайд этди. У 2023 йилги қишки трансферлар вақтида "Навбаҳор"дан "Нефтчи"га кўчиб ўтган эди. 

Трансфермаркет портали футболчини 800 минг еврога баҳолаган.