07 янв 15:10
Янгиликлар

Футбол

"Нефтчи"нинг легионерлардан жуда катта қарзи бор. Иш ФИФАгача етиб борган

Фарғонанинг "Нефтчи" клуби мавсумолди йиғин ўтказиш учун бугун Туркияга жўнаб кетди.

Championat.asia сайти маълумотига кўра, "Нефтчи"ни икки грузиялик легионери Бачана Арабули ва Гиорги Никабадзе олдида 2023 йилдаги қарздорлиги бор. Футболчилар пулларини олиш мақсадида ФИФАга мурожаат қилишган. ФИФА бартараф этиш учун Фарғона клубига 14 кун муҳлат берган. Аммо ушбу муддатда қарздорликлар барибир узилмаган. Шу боис энди "Нефтчи" ҳар иккала футболчига шартномаси охиригача (2024 йил охиригача) маошини беришга мажбур бўлади.

Бундан ташқари, австралиялик ҳимоячи Томислав Мрчела билан ҳам шартнома 2024 йил ёзига қадар мўлжалланган. Клубнинг ундан ҳам қарзи бор ва Мрчела ФИФАга мурожаат қилиб бўлган. Агар ФИФА берган муддатда ўтган йилги қарздорлик бартараф этилмаса, "Нефтчи" Мрчелага ёзгача маошини тўлашга мажбур бўлади.