Netflix Роузи — Карано жанги олдидан обуна нархларини оширди

Бу ҳақда MMAMania нашри хабар бермоқда. UFC собиқ чемпиони Ронда Роузи 16 май куни Лос-Анжелесда ташкил этиладиган турнирда Жина Каранога қарши жанг қилади. Шунингдек, кардда Фрэнсис Нганну, Нейт Диас, Жуниор дос Сантос сингари юлдуз аралаш якка кураш усталари ҳам иштирок этади. Турнир Netflix’да эксклюзив тарзда трансляция қилинади.

АҚШдаги обуначилар учун янги нархлар:

Реклама билан стандарт - ойига 8,99 доллар (аввалги нархи - 6,99 доллар).

Рекламасиз стандарт - 19,99 доллар (15,49 доллар эди).

Рекламасиз премиум - $26,99 ($22,99 эди).

Нархларнинг ошиши сўнгги йилларда аёллар MMA’сидаги энг шов-шувли воқеалардан бирига айланадиган кенг кўламли MVP шоусига тайёргарлик фонида содир бўлди. 

Эслатиб ўтамиз, Ронда Роузи 2016 йилда икки марта нокаут билан мағлубиятга учрагач, фаолиятини якунлаганди. Карано эса 2009 йилдан бери жанг ўтказмаган. MVP - блогер-боксчи Жейк Полнинг промоушени ҳисобланади.