12 ноя 09:28
Янгиликлар

Теннис

Next Gen ATP Finals. Накашима иккинчи финалчи

Теглар : Next Gen ATP Finals Брэндон Накашима

Италиянинг Милан шаҳрида ўтказилаётган ёшлар ўртасидаги ATP Якуний турнирининг иккинчи финалчиси ҳам маълум бўлди.

Next Gen ATP Finals турнирининг иккинчи ярим финал учрашувида дунёнинг 49-ракеткаси бўлиб турган Брэндон Накашима ғалаба қозонди. Америкалик истеъдод эгаси рейтингда ўзидан 8 поғона юқорида бораётган британиялик Жек Дрэйперни 4/3(6), 1/4, 4/2, 4/3(5) ҳисобида мағлуб этди.

Эйс зарбаси усталарининг ўзаро ўтказган илк учрашуви эди. Бир юз икки дақиқа давом этган баҳсда Накашима 10, Дрэйпер эса 15 та эйс зарбасини амалга оширган. Иккала теннисчи ҳам биттадан брейкка эга бўлган. Фақат қўшхатоларга йўл қўйишда Жек мутлақ етакчи бўлди 5 га 0!

Энди Брэндон Накашима Next Gen ATP Finals турнири бош соврини учун чехиялик Иржи Лехечкага қарши кортга чиқади.