25 мар 16:51
Янгиликлар
Футбол
Нидерландия ЖЧ-2026 ни бойкот қилиши мумкин: 170 мингдан ортиқ имзо тўпланди!
Нидерландияда 170 мингдан ортиқ фуқаро 2026 йилги Жаҳон чемпионатини бойкот қилиш ҳақидаги петицияга имзо чекди.
Бунга АҚШ президенти Дональд Трампнинг олиб бораётган сиёсати сабаб бўлмоқда.
Эслатиб ўтамиз, бўлажак мундиал АҚШ, Канада ва Мексика майдонларида бўлиб ўтиши режалаштирилган. Петиция муаллифи, журналист Теун ван де Кейкен ўз қарорини қуйидагича изоҳлади:
"Биз футболчиларимиз ушбу турнирда иштирок этиб, Трампнинг мигрантларга нисбатан шафқатсиз сиёсатини билвосита қўллаб-қувватлашини истамаймиз. Гренландияга нисбатан экспансионистик ҳаракатлар ва бошқа сиёсий қарорлар фонида ҳеч нарса бўлмагандек мусобақада қатнашиш ушбу режимни тан олиш билан баробар", — дея таъкидлади журналист.
Ушбу петиция Нидерландия бош қонун чиқарувчи органи — Бош штатларнинг Иккинчи палатасига кўриб чиқиш учун тақдим этилди.
Ҳавола :
Манба : RTL
Фикрлар