Нигерия компанияси Мейвезерни судга берди ва ундан 2 млн доллар талаб қилмоқда

Гап шундаки, 2017 йилнинг июнь ойида компания Мейвезерни Нигерия ва Ганадаги тадбирларга таклиф қилган. Хатто Флойдга аванс сифатида олдиндан 210 000 доллар ҳам тўлаган. Бу ташрифлар учун боксчи 375 000 доллар гонорар сўраган. 

Мейвезер бу борада компанияга видео мурожаат тақдим этиб, тадбирларда иштирок этишини тасдиқлаган. Аммо, тадбирларга бир неча кун қолганда Африкага боришдан бош тортган. Июнь ойининг ўрнига декабрда Нигерияга ва Ганага бориши ва бунинг учун энди 550 000 доллар гонорар тўлаб беришларини талаб қилган. 

Боз устига аввалдан берилган 220 000 долларлик авансни қайтармаслигини ҳам айтган. Бу ҳолатда сабр косаси бўлган Zinni Media компанияси Флойд Мейвезерни судга берди ва етказилган моддий ва маънавий зарарни қоплаш учун 2 миллион доллар ундириб беришларини сўраган.