09 янв 13:32
Янгиликлар
Теннис
Нигина Абдураимова Australian Open'ни ғалаба билан бошлади
Австралия очиқ чемпионатида саралаш баҳслари старт олди.
Мусобақада қатнашаётган ҳамюртимиз Нигина Абдураимова турнирдаги иштирокини саралаш босқичидан бошлади. У саралашнинг илк босқичида испаниялик Лейре Ромеро-Гормазга қарши кортга чиқди.
1 соат 52 дақиқа давом этган ўйинда Нигина рақибасини 2:6, 6:3, 6:2 ҳисобларида мағлуб этди ва саралашнинг иккинчи босқичига йўл олди.
Таққослаш учун Нигина рейтингда 176, рақибаси эса 169-ўринни эгаллаб турибди. Бу теннисчилар учун ўзаро илк учрашув эди.
Энди Нигина саралаш ярим финалида Кэти Колинец (АҚШ, 115) ҳамда Екатерина Горгодзе (Грузия, 220) ўйини ғолибасига қарши кортга чиқади.
Маълумот учун, теннисчилар асосий босқичга чиқиш учун саралашнинг учта ўйинида ғалаба қозониши лозим.
Ҳавола :
Манба : olamsport.com
Фикрлар