Нигина Абдураимова жуфтликда 1/2 финалга йўл олди

Мукофот жамғармаси 75 000 долларни ташкил этувчи ушбу мусобақада Нигина Абдураимова ҳам қатнашяпти. Яккаликдаги иштирокини якунлаган мамлакатимизнинг биринчи ракеткаси бор эътиборини жуфтлик баҳсларига қаратган. 

Франциялик Карол Монеет билан жуфтлик ҳосил қилган ҳамюртимиз 1/8 финалда швейцариялик теннисчилар Каеги ва Таллери ҳамкорлигини 6/4, 6/3 ҳисобида мағлуб этганди. Уларнинг 1/4 финалдаги рақибалари, турнирнинг биринчи рақамли жуфтлиги - руминиялик Ирина Бара ҳамда словениялик Далила Якупович кортга чиқмаганлиги боис, Нигина ва Каролга техник ғалаба ёзилди. 

Айни дақиқаларда Абдураимова/Моннет жуфтлиги 1/2 финалда америкалик опа-сингил теннисчилар - Кармен ва Ивана Корлей ҳамкорлигига қарши баҳс олиб боришяпти.