01 июл 10:23
Янгиликлар

Теннис

Нигина Абдураимова Пальма-дель-Риода 1/4 финалга чиқди

Испаниянинг Кордова провинцияси Пальма-дель-Рио шаҳарчасида теннис бўйича ITF турнири давом этмоқда.

"W25+H Palma del Rio" турнирида мамлакатимизнинг биринчи ракеткаси Нигина Абдураимова ҳам муваффақиятли одимлаяпти. Ҳамюртимиз 1/8 финал учрашувида италиялик Верена Мелиссни 6/4, 6/4 ҳисобида мағлуб этди.

Таққослаш учун, айни пайтда Абдураимова WTA рейтингида 201, Мелисс эса роппа-роса 600-ўринни эгаллаб турибди. Турнирда 3-рақам остида сараланган Нигинанинг чорак финалдаги рақибаси испаниялик Марина Бассолс бўлади. У WTA рейтингида 263-поғонадан жой олган.