09 май 08:26
Янгиликлар

Теннис

Нигина Абдураимовада кутилган натижа

Чехия пойтахти Прага шаҳрида теннис бўйича W75 тоифасига кирувчи турнир давом этмоқда.

Мукофот жамғармаси 75 000 долларни ташкил қилувчи ушбу мусобақада ҳамюртимиз Нигина Абдураимова ҳам иштирок этди. Мамлакатимизнинг биринчи ракеткаси илк даврадаёқ Канада терма жамоаси сафида Билли Жинг Кинг Кубоги соҳибаси бўлган Марина Стакушичга 3/6, 0/6 ҳисобида имкониятни бой берди.

Таққослаш учун, Абдураимова айни пайтда WTA рейтингида 278, Стакушич эса 201-ўринни эгаллаб турибди. Теннисчиларнинг ўзаро ўтказган илк учрашуви 82 дақиқа давом этган.