07 дек 12:21
Янгиликлар
Таэквондо
Никита Рафалович Москвада совриндор бўлди ва Токио Олимпиадаси лицензиясига янада яқинлашди!
Россия пойтахти Москва шаҳрида таэквондо бўйича "Moscow Grand-Prix Final" мусобақаси давом этмоқда.
Кеча, мусобақада -80 кг вазн тоифасида юртимиз шарафини ҳимоя қилаётган Никита Рафалович бронза медали учун жанг қилиши ҳақида хабар қилгандик. Ҳамюртимиз бироз аввал медаль учун мисрлик Сеиф Иссага қарши жанг қилди ва 7:5 ҳисобида ғалаба қозонди. Шу тариқа, Никита нуфузли мусобақанинг бронза медали ва Олимпиада учун қимматли бўлган 28,8 очкони ўз ҳисобига қўшиб қўйди.
Эслатиб ўтамиз, Рафалович 1/8 финалда австралиялик Жэк Мартонни 20:0, чорак финалда испаниялик Рауль Мартинес Гарсияни 15:3 ҳисобида мағлуб этган эди. Ярим финалда эса озарбайжонлик Милад Беиги Харчеганига имкониятни бой берганди.
Ушбу муваффақият Рафаловични Токио Олимпиадаси лицензияси сари янада яқинлаштирди!
Ўзбекистон таэквондо WT ассоциацияси матбуот хизмати
Ҳавола :
Манба : olamsport.com
Фикрлар