"Нима учун Ўзбекистон МОҚ расмий сайти 71 эмас, балки 65 та лицензия ҳисоблаши керак деган саволга жавоб". Никимбаевни ажаблантирган жиҳат

Никимбаевга кўра, жамоавий баҳсларда қўлга киритилган лицензиялар битта лицензия ҳисобланади. Аммо, МОҚ расмий сайти - olimpic.uz бадиий гимнастика, эшкак эшиш, каноэда эшкак эшиш спорт турларининг жамоавий баҳсларида қўлга киритилган йўлланмаларни алоҳида санаб ўтган. Ўз ўрнида Никимабаевни МОҚ матбуот хизмати нима учун дзюдонинг аралаш жамоасини 6 та лицензия сифатида ҳисобламаганлиги ажаблантирмоқда.

"ХОҚ қоидаларига кўра, мусобақада қатнашадиган бир спортчи ёки битта жамоа битта лицензия ҳисобланади. Масалан, 20 футболчидан иборат футбол жамоаси битта лицензия сифатида ҳисобланади ва улар қўлга киритган медаль ҳам ягона саналади.

Шундай қилиб, бадиий гимнастикада 6 нафар қизимиз 2 та лицензияни қўлга киритишди: биттаси шахсий мусобақада ва биттаси жамоада. Худди шундай эшкак эшишда ҳам: эшкак эшишда икки йигит иккита алоҳида иштирокчи эмас, битта жамоа ҳисобланади. Юқорида таъкидланганидек, МОҚ матбуот хизмати дзюдонинг аралаш жамоасини 6 та лицензия сифатида ҳисобламаганлиги ажабланарли.

Каноэда эшкак эшиш янада қизиқарли, бу ерда икки қиз икки мартадан ҳисобланиб, бир вақтнинг ўзида иштирокчилар сонини кўпайтирди. Худди шу тарзда, Мухтасар Тохирова икки марта санаб ўтилди, у Токиода икки турдаги дастурда қатнашади.

Аммо, агар номма-ном ҳисобласангиз, унда Токиодаги спортчилар 71 эмас, 67 нафарга етади ва улар 65 та лицензияга эга", - дейди Никимбаев телеграм каналида.