Noche UFC 4 турнирининг бонус соҳиблари маълум

Оқшомнинг учинчи муҳим жангида ўзаро муросасиз кураш олиб борган ярим енгил вазн тоифаси вакиллари Томми Макмиллен ва Марван Рахики "Кечнинг энг яхши жанги" учун 100 минг долларлик қўшимча мукофот пулига лойиқ деб топилдилар.

Иккинчи раундда нокдаун ҳолатига тушиб, муддатидан аввал мағлубият ёқасига келиб қолган америкалик нафақат жангни давом эттирди, балки учинчи раундда рақибини нокдаун ҳолатига туширди. Бу сафар марокашлик жангчи қийин вазиятга тушиб қолди. Гарчи у жангни якунига етказиб қўйган бўлса-да, ҳакамларнинг якдил қарори билан мағлубиятга учради.

"Кечанинг энг яхши чиқиши" учун бонуслар ярим енгил вазн вакиллари Жан Сильва ва Шон Кингга насиб этди. Турнирнинг асосий жангида бразилиялик Жан Сильва қийинчилик билан бўлса-да, асли мексикалик АҚШ шарафини ҳимоя қилаётган Хосе Дельгадони учинчи раундда бўғиш усули билан таслим этди. Шон Кинг эса ташкилотдаги дебютини муваффақиятли ўтказди: у жангнинг атиги 36-сониясида ватандоши Жесси Росасни нокаутга учратди.

Муддатидан аввал ғалаба қозонган Юсри Белгаруи ва Томас Гант эса 25 минг доллардан қўшимча бонусларга эга бўлишди.