18 мар 11:50
Янгиликлар
Шахмат
Нодирбек Абдусатторов: "Умид қиламанки, финалда ўзбек дербиси бўлади"
Биринчи рақамли гроссмейстеримиз Нодирбек Абдусатторов chess.com Open турнирида киберспорт бўйича 2026 йилги Жаҳон кубоги саралашнинг кейинги босқичига йўлланмани қўлга киритди.
Шахматчимиз турнирдаги иштирокидан кейин фикрлари билан ўртоқлашди.
"Ростини айтсам, охирги иккита партияда жуда омадим келди. 8-турда ҳам Бортникка қарши позициям оғир эди. Матлаковга қарши қилган рух қурбонлиги ҳам ишламаслиги керак эди, лекин охирида унда хатолик рўй берди. Дуда тезкор форматларда жуда кучли. Албатта, бу ерда ҳамма кучли, лекин… Мен уни танламаган бўлардим. Мен Сэм Севьянни танлайман. Умид қиламанки, финалда ўзбек дербиси бўлади", деди Абдусатторов.
Гроссмейстерлар учун иккинчи саралаш босқичи бугун бўлиб ўтади.
Ҳавола :
Манба : uzchess
Фикрлар