Нодирбек Абдусатторов ва Магнус Карлсен янги жаҳон чемпионатида иштирок этади!

Якунда шу уч йўналишда барқарор натижа кўрсатган шахматчи FIDE World Combined Champion унвонини қўлга киритади. 

Бу шахмат оламида катта янгилик сифатида қабул қилинмоқда. Norway Chess ташаббуси ва FIDE розилиги билан Total Chess World Championship Tour жаҳон чемпионати йўлга қўйилмоқда. Ҳар мавсумда тўртта турнир ўтказилади: учтаси саралаш, биттаси эса финал босқичи сифатида режалаштирилган.

Танлов босқичларида йигирма тўрт нафар иштирокчи қатнашади. Мавсум якунида тўплаган очколари бўйича энг кучли тўрт шахматчи финал босқичига йўл олади. Лойиҳа шу йил кузда бошланади. Тўлиқ мавсум эса 2027 йилнинг биринчи чорагида старт олади.

Мукофот жамғармаси катта миқдорда белгиланмоқда: ҳар бир мусобақа учун камида 750 минг доллар, финал босқичи учун эса камида 450 минг доллар ажратилиши кўзда тутилган. Анъанавий FIDE классик жаҳон чемпионати ўз йўналишида давом этади. Янги тур классик чемпионатнинг ўрнини босмайди, балки унга параллел тарзда ташкил этилади.

Саралаш қандай бўлади?

Расмий регламент ва саралаш мезонлари шу йилнинг биринчи чорагида эълон қилинади. Ҳозирча саралашда FIDE рейтинги, FIDE Circuit натижалари ҳамда рапид ва блиц бўйича жаҳон чемпионатлари кўрсаткичлари инобатга олиниши режалаштирилган. 

Турли вақт назоратларида барқарор ўйнай оладиган шахматчи мутлақ чемпион сифатида эътироф этилади. FIDE тасдиғи билан бу лойиҳа глобал шахмат тақвимидаги энг нуфузли сериялардан бирига айланиши кутилмоқда. Куни кеча блиц бўйича жаҳон чемпионатининг финалида ўзаро ўйнаган Магнус Карлсен ва Нодирбек Абдусатторов ҳеч қандай саралашсиз, тўғридан-тўғри мусобақада иштирок этади.