"Нокаут"! Холлоуэй Махачев – Делла Маддалена жангига тахмин билдирди

Ярим ўрта вазн (77 кг гача) чемпионлик жанги 16 ноябрь куни тонгда Нью-Йорк (АҚШ) шаҳри мезбонлики қиладиган UFC 322 турнири доирасида бўлиб ўтади.

"Мен ўзимни ақлдан озган деб атайман, аммо бу жангда Жекни устун қўяман. Дастлабки икки раунд жуда рақобатли бўлади ва жанг қандай ривожланишини кўрамиз. Делла Маддаленанинг курашдан ҳимояланиши ва унга қандай қарши усул қўллай олиши жангда муҳим роль ўйнайди. Унинг гавда тузилиши, яъни габарити Ислам учун жуда катта бўлиб қолиши мумкин.

Ҳа, тушунаман, Ислам машғулотларда ярим ўрта вазн тоифаси жангчилари билан бирга спарринг ўтказди. Тан оламан, унинг чидамлилиги ҳайратланарли. Аммо мен шундай бўлишини кутяпман – Жек уни чарчатади, кейин эса учинчи раундда техник нокаут эвазига ғалаба қозонади. Маддалена аниқ ва доимий зарбалар бериб боради, улар эса аста-секин таъсир кўрсатади", - деди Холлоуэй.