07 ноя 14:20
Янгиликлар

Теннис

Новак Жокович Афина турнири бош совринини кўзламоқда

Греция пойтахти Афина шаҳрида теннис бўйича ATP 250 тоифасига кирувчи турнир бўлиб ўтмоқда.

Дунёнинг бешинчи ракеткаси Новак Жокович 1/4 финалда ATP рейтингида 47-ўринни эгаллаб турган португалиялик Нуну Боржешни қийинчилик билан мағлубиятга учратди - 7/6(1), 6/4. Бу теннисчиларнинг ўзаро ўтказган илк учрашуви бўлди.

Бир соату 44 дақиқа давом этган баҳсда Жокович 9, Боржеш 7 та эйс зарбасини амалга оширди. Иккала теннисчи ҳам 1 тадан қўшхатога йўл қўйди. Брейклар бўйича кичик устунлик Новак томонида бўлди - 1 га 0.

Сербиялик теннисчи фаолиятида 197-маротаба ATP турнирлари 1/2 финалида ўйнайди. Жоковичнинг финал чиптаси учун кечадиган учрашувдаги рақиби Янник Ганфманнга қарши кортга чиқади. Германиялик теннисчи ўз ўрнида 1/4 финалда америкалик Маркос Гиронни 7/6(3), 6/4 ҳисобида енгди.