01 мар 07:37
Янгиликлар

Теннис

Новак Жокович Дубайни забт этди

Сайёрамизнинг биринчи ракеткаси Новак Жокович БААнинг Дубай шаҳрида ўтказилган нуфузли турнир ғолибига айланди.

Сербиялик теннис юлдузи Dubai Duty Free Tennis Championships финалида рейтингнинг 6-поғонасидан жой олган грециялик Стефанос Циципасга қарши кортга чиқди. Жокович 1 соату 17 дақиқа давом этган учрашувда рақибини 6/3, 6/4 ҳисобида мағлуб этди. Новак ўзаро ўтказилган учрашувларда яна олдинга чиқиб олди - 3:2.

Дубай турниридаги муваффақиятли иштирок Жоковичга 565,705 доллар мукофот пули ҳамда 500 рейтинг очкосини тақдим этди. Циципас эса 284,485 доллар ва 300 очкога эга бўлди. Бу сербиялик теннисчининг фаолиятидаги 79-соврин бўлди. Новак кетма-кет 21 та учрашувда ғалабага эришди.