Новак Жокович – "Ролан Гаррос" ярим финалидан сўнг: "Балки бу ердаги охирги ўйиним бўлгандир"

Ярим финалда у биринчи ракетка Янник Синнерга 4/6, 5/7, 6/7(3) ҳисобида ютқазди.

"Менимча, бу стадиондаги муҳим ўйинларда менга ҳеч қачон бу қадар кучли қўллаб-қувватлов бўлмаган. Ютқазганимдан албатта хурсанд эмасман, лекин шунга қарамай, мухлисларга миннатдорлик билдирдим.

Янник ҳақиқатан ҳам ажойиб ўйнади, айниқса психологик жиҳатдан. У нега 1-рақам эканини намойиш қилди – томошабинлар босими, менинг сет-пойнтларим – шуларнинг барчасига қарамай ўзини йўқотмади. Иккинчи ва учинчи сетлар менинг фойдамга ҳал бўлиши мумкин эди, лекин у муносиб равишда ғалаба қозонди.

Балки бу ердаги менинг охирги ўйиним бўлгандир, шу боис томошабинларга алоҳида раҳмат айтмоқчиман. Ҳозирча келажак ҳақида ҳеч нарса билмайман. Эртага мени нима кутяпти – билмайман. Кейинги мусобақа "Уимблдон" бўлади – эҳтимол, менда яна бир “Шлем” ютиш учун энг яхши имконият шу ердадир. Ёки, балки, хард кортларда, масалан Австралияда, имкониятларим кўпроқдир", - деди Новак Жокович.