10 июл 08:44
Янгиликлар

Теннис

Новак Жокович "Уимблдон" 1/2 финалида кортга чиқди

Лондон шаҳри мезбонлигида ўтаётган теннис бўйича "Катта Дубулға" туркумига кирувчи "Уимблдон" турнири ўз якуни сари яқинлашмоқда.

Эркаклар ўртасидаги мусобақанинг иккинчи ярим финалида сайёрамизнинг биринчи ракеткаси Новак Жокович ATP рейтингининг 12-поғонасидан жой олиб турган канадалик Денис Шаповаловни 7/6(3), 7/5, 7/5 ҳисобларида мағлубиятга учратди.

Икки соату 46 дақиқа давом этган баҳсда сербиялик 34 ёшли теннисчи 3 та брейк, 9 та эйс, 22 яшар Денис эса 5 та эйс зарбани амалга оширди. Теннисчиларнинг ўзаро учрашувларидаги ҳисоб янада йириклашди - 7:0. Жокович бош соврин учун учрашувда италиялик Маттео Берреттинига қарши кортга чиқади.