Новак Жокович US Open илк даврасида кортга чиқди

Дунёнинг биринчи ракеткаси Новак Жокович мусобақадаги иштирокини ғалаба билан бошлади. Сербиялик теннисчи ATP рейтингининг 145-поғонасидан жой олиб турган даниялик Хольгер Рунени 6/1, 6/7(5), 6/2, 6/1 ҳисобларида мағлуб этди.

Икки соату 16 дақиқа давом этган баҳсда 34 ёшли Новак 17 та, 18 ёшли Хольгер эса 1 та эйс зарбасини ижро этди. Бу теннисчиларнинг ўзаро ўтказган илк учрашуви эди. Жоковичнинг иккинчи даврадаги рақиби нидерландиялик Таллон Грикспур бўлади. У илк босқичда германиялик Ян-Леннард Штруффдан устун келди - 2/6, 7/6(3), 4/6, 6/4, 7/5.