25 фев 10:10
Янгиликлар

Теннис

Новак Жоковични 1/4 финалда мағлуб этишди

Дунёнинг биринчи ракеткаси Новак Жокович Дубайда давом этаётган нуфузли ATP турнирида кутилмаган мағлубиятни қабул қилиб олди.

Сербиялик теннисчи чорак финал учрашувида ATP рейтингида 123-поғонадан жой олиб турган чехиялик Иржи Веселига 4/6, 6/7(4) ҳисобида имкониятни бой бериб, мусобақадаги иштирокини эрта якунлади.

Теннисчилар кортда 3 дақиқаси кам 2 соат ҳаракат қилишган. Бу вақт оралиғида 34 ёшли Жокович ҳам, 28 яшар Весели ҳам 9 тадан эйс зарбасини амалга оширган. Энди Иржи Dubai Duty Free Tennis Championships турнирининг ярим финалида канадалик Денис Шаповаловга қарши кортга чиқади. Шаповалов чорак финалда литвалик Ричардас Беранкисни таслим этган.