Нукусда қўл жанги бўйича профессионаллар ўртасида Халқаро турнир якунланди

Хусусан, -55 кг вазн тоифасида Миллий гвардия ҳарбий хизматчиси, жорий йилги Жаҳон чемпионати ғолиби Мафтуна Қувондиқова россиялик рақибаси Диана Саадуллаева устидан ишончли ғалабага эришди.

-60 кг вазнда эса ИИВ ходими, Тошкентда ўтказилган Жаҳон чемпионати совриндори Шаҳбоз Турсунов россиялик спортчи Арсен Мутачаевга қарши рингга чиқди ва унда ҳамюртимизнинг қўли баланд келди.

-65 кг вазн тоифасида Миллий гвардия ҳарбий хизматчиси, Халқаро турнирлар совриндори Нурпейс Карлибаев озарбайжонлик спортчи Руслан Маммадовни мағлубиятга учратди.

-70 кг вазнда ИИВ ходими, Жаҳон чемпиони Олим Нормуродов Украина терма жамоаси аъзоси Евгений Мкртчан устидан ғалаба қозонди.

-75 кг вазн тоифасида яна бир Миллий гвардия ҳарбий хизматчиси, Халқаро турнирлар ғолиби Шерзод Жуманазаров Камерундан ташриф буюрган спортчи Тонлеу Нгуефак устидан ишончли ғалабага эришди.

Ниҳоят +75 кг вазнда ИИВ ходими, Жаҳон чемпионати совриндори Жаҳонгир Жумаев ҳам белоруслик рақиби Юрий Бубачкинни мағлуб этди.

Нуфузли Халқаро мусобақада ғолибликни қўлга киритган барча спортчиларимизни самимий муборакбод этиб, уларга келгуси фаолиятларида улкан зафарлар тилаймиз.