NUR-HAS каратэ маркази томонидан халқаро семинар ўтказилди ФОТОГАЛЕРЕЯ

NUR-HAS каратэ маркази ташаббуси билан ташкил этилган ушбу семинарда Россиянинг Санкт-Петербург шаҳридан келган Абдурашид Хидиров назарий ва амалий машғулотларни ўтаб берди. Хидиров 5-Дан қора белбоғ соҳиби ҳисобланиб, айни пайтда Санкт-Петербург шаҳри шинкиокушинкай федерацияси президенти сифатида фаолият юритмоқда. 

Семинарда Тошкент шаҳри, Жиззах, Навоий, Бухоро, Наманган, Самарқанд вилоятиларидан келган каратэчилар иштирок этишди. Ушбу семинардан кўзланган мақсад 14-15 октябрь кунлари Япония пойтахти Токио шаҳрида ўтказиладиган 13-жахон чемпионатига терма жамоа аъзолари ҳамда номзодларни тайёрлаш, уларнинг маҳорат даражасини оширишдан иборат.

Бу каби халқаро семинарлар Республикамизнинг бошқа вилоятлари ва шаҳарларида ҳам ўтказиш режалаштирилган.