Нурмагомедов Емельяненко билан битта даражада туришини айтди. Аслида ҳам шундайми?

Бу интерьвюдан сўнг кўплаб ММА мухлислари ва мутахассислари Емельяненко ва Нурмагомедовни солиштиришни бошлаб юборди.

Буюк мерос

Ўтган йилнинг ёзида АҚШнинг энг катта телерадиосетларидан бири Columbia Broadcasting System (CBS) барча даврларнинг энг кучли ММА жангчиларини рўйхатини эълон қилди. Бу рўйхатда албатта Хабиб ва Федор ўрин эгаллашди. "Сўнгги Император" рўйхатнинг тўртинчи поғонасидан жой олган бўлса, "Бургут" эса олтинчи ўринни эгалалган. Дастлабки уч ўриндан эса, Жон Жонс, Андерсон Силва ва Жорж Сен-Пьер жой олишган.

Ҳеч кимга сир эмаски, Емельяненконинг жангларини кўриб катта бўлган. Ҳаттоки, у 2013 йилда Федорни барча даврларнинг энг кучли жангчиси деб атаган. Бироқ у вақтларда Хабиб ҳали UFC чемпион бўлмаган ва рекорди ҳам 29-0 эмас эди. Шунингдек, бу йилда ММА олами бошқа бир афсона Жорж Сен-Пьер ҳақида гапиришни бошлаганди. Лекин Хабиб барибир Емельяненконинг мухлиси бўлиб қолаверди.

Хабиб афсонасининг жангини илк бор жонли тарзда 2016 йилда кўришга эришди. Хабиб нима учун Емельяненко бу даражада мухлислик қилиши деярли аниқ. Чунки айнан Федор Россияда ММА спортини омаллашига сабабчи бўлган.

Федор Емельяненконинг фаолиятига назар

Федор 2000 йилдан бери жангларда иштирок этиб келади. Профессионал даражада эса 20 ёшидан бери ҳаракат қилади. Шунингдек, Емельяненконинг жанг қиладиган вазни ҳам жуда муҳим. Чунки оғир вазн доим ММАда асосий вазн ҳисобланган. Бу ерда мағлубиятсиз фаолиятини якунлаш жуда ҳам қийин. Чунки битта зарба барчасини ўзгартириб юборади. Федор Хабибдан фарқли равишда жуда катта ёшда ҳам жанг қилишда давом этмоқда. У фаолияти давомида 39 та жангда ғалаба қозонган ва олтита баҳсда эса мағлубиятга учраган. Эътиборлиси, мағлубиятларининг бештасини 2010 йилдан сўнг қабул қилиб олган. Бу дегани Емельяненконинг мағлубиятларини асосий қисми 34 ёшдан ўтганидан сўнг содир бўлган. Агар "Сўнгги Император" ҳам Хабиб сингари вақтли фаолиятини якунлаганда унинг рекорди 31-1 бўлган бўларди.

Федор UFC камарини қўлга киритмаган деган гап сўзларни ҳам ишлатиш мумкин. Аммо унинг даврида Япония промошуенлари UFC'нинг даражасидан анча катта бўлганлигини ҳам ҳисобга олиш керак.

Федор ўзидан буюк авлодни ҳам қолдирди.

Унинг шогирдлари аллақачон Bellator'ни забт этишни уддалашди. Шунингдек, Емельяненко Хабибдан фақрли равишда исталган услубда жанг қилиш қобилиятига ҳам эга бўлган.

Хабиб мукаммал натижага эришган

Хабиб мукаммал натижага эришган десак бўлади. Чунки ҳаммага ҳам фаолиятини мағлубиятсиз якунлаш насиб этмаслиги аниқ. Хабиб фаолиятидаги 29 жангнинг барчасида ғалаба қозонган, сўнгги асосий тўртта рақибини эса муддатдан аввал мағлуб этган.

Хабиб Емельяненкодан фақрли равишда 32 ёшида фаолиятини якунлади ва шу тариқа Федорнинг хатосини қайтармади. Хабибнинг бошқалардан устун томони ҳар бир нарсага алоҳида эътибор берди ва бу ғалаба калитига айланди.

Агар натижа ҳақида гапирадиган бўлсак, Хабиб барча даврларнинг энг яхшиларидан бири, аммо у Федор каби катта авлод ҳали қолдиришга эришмади.

Кўпинча, Нурмагомедовни узоқ вақт чўққида туриши мумкинлигини исботламасдан кетгани учун айблашади. Шунингдек, у атиги учта ҳимоя жангини ўтказгани ҳам кўпчиликка маъқул келмади. Хабибнинг жанг услуби ҳам мухлисбоп эмаслиги кўп бора танқид қилинган. У фаолияти давомида жуда кам рақибларини нокаут қилишга эришган.

Нима бўлган тақдирда ҳам Хабиб Нурмагомедов ва Федор Емельяненко ММА афсоналаридан бири бўлиб қолиши аниқ.