Нурмагомедов ҳам Саудиядаги UFC турнирида жанг қилади

У 1 февраль куни Саудия Арабистони пойтахти Ар-Риёд шаҳрида ташкил этиладиган UFC Fight Night 250 турнирида бразилиялик 28 ёшли Винисиус Оливейрага қарши жанг ўтказади. Саид ўтган йилнинг октябрь ойида тожикистонлик Муин Гафуровни биринчи раунднинг ўзида бўғиш усули билан мағлубиятга учратганди. 

Нурмагомедов шу йилнинг июнь ойида айнан Ар-Риёдда ўтган UFC on ABC 6 турнирида америкалик Монтел Жексонга қарши октагонга чиқиши керак эди. Лекин Саид сабаб бу жанг бекор бўлди. Ўтган ой Нурмагомедов Абу-Дабидаги UFC 308 турниридан ҳам очилди. Бу сафар бунга унинг рақиби Даниэль Сантос сабабчи бўлди. 

Винисиус Оливейра ўтган йили Dana White's Contender Series даъвогарлар турниридаги ғалабаси эвазига UFC промоушенидан шартнома олганди. Бир йил ичида у дунёнинг энг кучли Лигасида иккита жанг ўтказиб, аввалига Бернардо Сопаяни нокаутга учратди, кейин эса Рики Симондан очколар ҳисобига кўра устун келди.