27 мар 07:52
Янгиликлар
Бокс/ММА
Нурмагомедов ўзбекистонликлар билан бир Лигада жанг қилади
Россиялик аралаш яккакураш устаси Абубакар Нурмагомедов Американинг Global Fight League (GFL) ташкилотида дебют қилади.
Бу ҳақда Россиянинг ТАСС нашри хабар берди.
Нурмагомедов янги Лигадаги илк жангини май ойида ўтказиши кутилмоқда. Рақиб ҳозирча номаълум.
Абубакар Нурмагомедов 35 ёшда. Хабиб Нурмагомедовнинг амакиваччаси 2012 йилда профессионал аралаш яккакураш устаси сифатида дебют қилган ва 2019 йилдан 2023 йилгача UFC'да тўртта жанг ўтказиб, иккитасида ғалаба қозонган ва икки бор мағлуб бўлган.
GFL Лигасида Абубакардан ташқари ўзбекистонлик спортчилар — Ҳумоюн Тўхтамуродов, Муҳиддин Мамажонов, Амирхон Алихўжаев ва Саидёқуб Қаҳрамонов жанг қилиши кутиляпти.
Ҳавола :
Манба : ТАСС
Фикрлар