Нурмагомедов vs Порье, 7 сентябрь: Тунги соат 01:00да бошланадиган жангни қайси канал намойиш этади

7 сентябрь куни БАА пойтахти Абу-Даби шаҳрида UFC 242 турнири ўтказилади. Оқшомнинг марказий жангида енгил вазнда UFC чемпиони россиялик Хабиб Нурмагомедов ҳамда ташкилотнинг вақтинчалик чемпиони Дастин Порье ўзаро тўқнаш келади. 

Ушбу чемпионлик жанги Тошкент вақти билан тунги соат 01:00да бошланиши белгиланган. Турнирнинг ўзи соат 20:00да бошланади. Абу-Дабидаги UFC 242 турнирини Россиянинг Биринчи канали тўғридан-тўғри намойиш этади.  

Маълумот учун, 30 ёшли Нурмагомедов ММАда 27 та, 30 ёшли Порье ҳисобида эса 25 та ғалаба бор. Хабиб иккинчи бор чемпионлик камарини ҳимоя қилади. 2018 йилнинг октябрида у ирландиялик Конор Макгрегорни муддатидан аввал мағлуб этган эди.

Абу-Дабидаги қолган жанглар рўйхати: Шамил Абдураҳмонов (20-4) — Кертис Блейдс (11-2), Ислам Махачев (17-1) — Дэви Рамос (10-2), Маирбек Тайсумов (28-5) — Диего Феррейра (15-2), Оттман Азаитар (11-0) — Тиму Пакалену (8-2), Муслим Салихов (14-2) — Нордин Талеб (15-6).