Нурмагомедовга рақиб берилди, бир ойдан сўнг қисматдошлар жанги!

UFC Fight Night 266 турнири ташкилотчиларига яқин манбанинг хабар беришича, оқшом кардидан ўрин олган яна бир қизиқарли жанг анонс қилинган. Унда ўта енгил вазн тоифаси вакиллари - россиялик Саид Нурмагомедов ва британиялик Жавид Башарат ўзаро октагонда тўқнаш келади. 

Маълумот учун, 33 ёшли Саид Нурмагомедов икки мағлубиятли серия билан келмоқда. У ҳакамларнинг якдил қарорига кўра Винишиус Оливейра ва Брайс Митчеллга имкониятни бой берган. Фаолиятида ҳамюртимиз Саидёқуб Қаҳрамоновни мағлубиятга учратган.  

Британия шарафини ҳимоя қилаётган 30 ёшли Жавид Башарат ҳам Саид сингари охирги иккита жангида мағлубият аламини тотиб кўрган. У Эйеманн Захабига очколар ҳисобига кўри ютқазган, Рики Симонга эса нокаут бўлган. Айни пайтда иккала жангчи ҳам рейтингда Топ-15`таликка кирмайди.