20 май 12:23
Янгиликлар

Бокс/ММА

Нурмагомедовнинг мураббийи: Конор ҳамон Хабиб учун хавфли рақиб бўлиб қолмоқда

Енгил вазн тоифасида UFC чемпиони Хабиб Нурмагомедовнинг мураббийи Хавьер Мендес шогирдининг эҳтимолли рақиблари ҳақида фикр билдирди.

Мендеснинг фикрича, рақиблар орасида ҳамон Конор Макгрегор Хабиб учун хавфли ва шу билан бирга асосий рақиб бўлиб қолмоқда.

“Хабибнинг бу вазнда тўрт нафар асосий рақиби бор. Улардан Макс Холлоуэй Хабиб учун энг осон рақиб бўлади. Макс боксни яхши ўзлаштирган, лекин унга енгил вазнда керак бўлган тезлик ва жисмоний тайёргарлик етишмайди.

Рўйхатнинг кейинги поғонасидан Дастин Порье жой олган. Унда чидамлилик ва универсаллик хислатлари бор. Тони Фергюсон менинг рейтингимда иккинчи ўринда! У тирсакларида хавфли зарбаларни йўллайди. Ва энг асосий ва хавфли рақиб бу ҳамон Конор бўлиб қолмоқда. Макгрегорнинг асосий қуроли ва имконияти бу - бокс!”, - дея MMA News нашрига интервью берган Мендес.