Нурмуҳаммад "Веном" Адамхонов One FC'даги дебют жангида мағлуб бўлди

Кеча Таиланднинг Бангкок шаҳрида One Championship промоутерлик компаниясининг муай-тайга асосланган One Friday Fights 5 мусобақаси бўлиб ўтди.

Ушбу мусобақа доирасида ўзбекистонлик ўта енгил вазнли Нурмуҳаммад Адамҳонов (0-2) ҳам жанг қилди. Филиппинлик Фритц Биагманга (5-1) қарши ўтган жанг 3-раундда муддатидан аввал якунланди. 3 раунд давомида Адамхонов устидан назорат ўрнатган Биагман жангнинг сўнгги раундида ҳамюртимизни нокаутга учратди.

Афсуски, One Championship лигасидаги уч нафар ҳамюртимизнинг ҳар уччаласи сўнгги жангларида мағлуб бўлишди.