Нурсултон билан жанги амалга ошмай қолган енгилмас "Гладиатор" UFC ростеридан чиқарилди

Татаристонлик "Гладиатор" ярим ўрта вазн тоифасида ўз жангларини ўтказиб келаётганди. У UFC ростеридан чиқарилди. Промоушен Ринатнинг ижобий статистикасига қарамай, у билан шартномани узайтирмасликни лозим топди. Фахретдинов UFC промоушенида 7 та жанг ўтказиб, 6 ғалаба ва 1 дуранг қайд этганди. 

Умуман олганда, Ринат профессионал MMAдаги фаолияти давомида 26 та жанг ўтказган (24 ғалаба, 1 дуранг, 1 мағлубият). Фахретдинов сўнгги учта жангида (барчаси UFC`да) ғалаба қозонган. Охирги жанги 2025 йилнинг сентябрида бўлиб ўтган, ўшанда у швециялик Андреас Густафссонни биринчи раундда нокаутга учратганди.

Эслатиб ўтамиз, ўтган йилнинг 26 октябрь куни БАА пойтахти Абу-Даби шаҳрида ўтказилган UFC 308 турнирида ҳамюртимиз Нурсултон Рўзибоевга айнан Ринат Фахретдиновга қарши октагонга чиқиши керак эди. Лекин Рўзибоевнинг жароҳати сабаб ушбу жанг амалга ошмай қолганди.