Нурсултон Рўзибоев навбатдаги жанги олдидан ўз фикрларини билдирди

"Open Fighting Championship" кечасида Рўзибоев украиналик Бордан Котловяновга қарши октогонга чиқади.

Спортчи www.olamsport.com сайти учун ўзининг жанг олди фикрларини билдириб ўтди:

“Жанг олди ҳолатим яхши. Рақибим "стойка"да яхши уришадиган спортчи. Биз ҳам мана шу жиҳат устида ишладик. Худо хоҳласа, 20 февралда ғалаба қозонишга ҳаракат қиламан. Машғулотларда асосан курашга, чидамлиликка алоҳида эътибор қаратдик. Жангда рақибни 1 дақиқача ўрганиб олгандан кейин кураш усулидан фойдаланиб кўрмоқчиман. Рақиб кучли бўладими ёки кучсиз - ҳар доим икки спортчиларнинг имконияти тенг бўлади. Қайси бири кўпроқ ҳаракат қилиб, машғулотларни яхши қилган бўлса, тажрибага қараб тактикани тўғри танлай олади. Мени фикрим иккимизнинг имкониятларимиз 50/50", - деди Нурсултон Рўзибоев. 

Хуршида Абдикулова суҳбатлашди