26 мар 00:45
Янгиликлар
Бокс/ММА
Нурсултон Рўзибоевнинг UFC'даги навбатдаги рақиби ва жанг санаси маълум — манба
Ўзбекистонлик аралаш якка кураш устаси Нурсултон Рўзибоевнинг кейинги жанги бўйича маълумотлар пайдо бўлди.
31 ёшли ҳамюртимиз 17 май куни Лас-Вегесдаги (АҚШ) UFC Apex мажмуасида ташкил этиладиган UFC Fight Night турнири доирасида октагонга кўтарилади. Бу ҳақда инсайдер Алекс Беунин ўзининг X'даги саҳифаси орқали хабар берди.
Маълум бўлишича, Рўзибоевга АҚШ вакили Дастин Стольцфус рақиб бўлади. Жанг ўрта вазн тоифасида ташкил этилиши кутиляпти. Нурсултон сўнгги жангини ҳам шу вазнда ўтказганди.
Маълумот учун, бу Нурсултоннинг UFC'даги бешинчи жанги бўлади. У мазкур Лигада ҳозирга қадар 4 та жанг ўтказиб, 3 та ғалаба ва 1 та мағлубият қайд этган. Фаолияти давомида эса 35 та ғалаба, 9 та мағлубият ва 2 та дурангни ўз ҳисобига ёздириб қўйган.
33 яшар Дастин ҳисобида эса 16 та ғалаба ва 6 та мағлубият (UFC: 3-5) бор.
Ҳавола :
Манба : x.com/AlexBehunin
Фикрлар