ОАВ: АIBА 2024 йилги Париждаги ўйинларда Олимпия мақомини қайтариб ололмайди

Халқаро бокс федерацияси (АIBА) 2024 йилги Париждаги Олимпиада ўйинларинида Олимпия мақомини қайтариб ололмайди, чунки ХОҚ АIBА раҳбариятига шубҳа билан қарайди. Бу ҳақда ХОҚдаги манбаларга таяниб, Insidе the Games журналисти Лиам Морган Тwitter'да маълум қилди.

«ХОҚ манбалари АIBА Париж Олимпиадасидан олдин тикланмаслигини тахмин қилишди, чунки ташкилот раҳбариятига шубҳа бор», - деб ёзади у.

2020 йил 12 декабрдан бошлаб АIBАга россиялик Умар Кремлёв бошчилик қилади. 27 августда у 2024 йилга келиб АIBАга Олимпия мақомини қайтариш учун ҳеч қандай тўсиқ кўрмаётганини айтди, чунки унинг раҳбарлиги остида федерация барча керакли ислоҳотларни мустақил экспертлар, шу жумладан ташкилотнинг собиқ раҳбарияти фаолиятини тергов қилаётган Ричард МакЛареннинг фикрларини инобатга олган ҳолда амалга оширган.

2018 йил 30 ноябрда ХОҚ Токио Олимпиадасида бокс бўйича баҳсларни чиқариб юборишни режа қилди. Бу қарор АIBАга қарши тергов бошланганидан кейин қабул қилинди. 2019 йил май ойида ХОҚ Олимпиадада бокс мусобақаларини ўтказишга қарор қилди. Шу билан бирга, АIBА ХОҚнинг молия, менежмент, ҳакамлик ва этика билан боғлиқ талабларини бажара олмагани учун тан олинганлик мақомидан маҳрум қилинган эди.