Octagon 70. Аралаш яккакураш устамиз чемпионга қарши октагонга чиқди

Оқшом доирасида яримўрта вазн тоифаси чемпиони қозоғистонлик Георгий "Рицарь" Кичигин (31-11) ҳамюртимиз Саидатахон Нуриддинов (6-1)дан камарини ҳимоя қилди. Биринчи раунд Нуриддинов фойдасига ҳал бўлди. У ҳатто тажрибали рақибини жеб зарбаси эвазига кичик нокдаун ҳолатига ҳам тушириб қўйди. Иккинчи раундда Кичигин жангчимизни учбурчак усулида бўғиб қўйди ва камарини муваффақияти ҳимоя қилди.

Аслида Георгий Кичигинга қарши Шоҳасан Мирзаматов жанг қилиши керак эди. Аммо таниқли аралаш яккакураш устамиз жангга бир неча кун қолганида автофалокат сабаб жароҳат олган ва бунинг натижасида турнир кардидан ечилганди. Лига Шоҳасаннинг ўрнига бошқа бир ҳамюртимиз Саидатахон Нуриддиновни рақиб сифатида берганди.