Octagon чемпиони Шоҳасан Мирзаматовга кескин "ответ" қилди

"Шоҳасан, мен катта калла деб айтмаган бўлардим. Умуман, ухлаб қолишимга ишончинг комилми? Эҳтиёт бўл, камар орзусидан айрилиб уйғониб кетмагин. Биринчи раундда нокаутга учратишга қарор қилганинг учун мени жуда паст баҳолаганингни кўриб турибман. Секундантларингга айт, кислород баллонини тайёрлаб қўйишсин, чунки бу сен учун жуда керак бўлади. 2 апрелда кўришгунча, Қозоғистон Алга!", - деди Пшебельский.

"Мен чемпионлик жангигa узоқ йўл босиб келдим. Ҳаётимдаги турли вазиятлар бу жангга етиб келишимга тўсқинлик қилди. Айримлар дивизионда кимдандир қўрқади деб ўйлашади, лекин мен жангда ҳеч қачон қўрқувни ҳис қилмаганман. Богдан қўлларини баландроқ ушлагани маъқул, чунки унинг йирик бошига зарба бермаслик қийин бўлади. Жанг узоқ давом этмайди. Амалдаги чемпион Тошкентда "ухлаб" қолади ва мен янги камарни ўзбек халқига совға қиламан", деганди Мирзаматов.

Ярим ўрта вазн тоифасида Octagon чемпионлиги учун кечадиган ушбу жанг Octagon 85 турнирининг асосий воқейлиги бўлади.