07 авг 11:15
Янгиликлар
Бокс/ММА
Octagon League Одилхон, Эркебулан ва Камил Каратэнинг кейинги рақиблари ким бўлишини эълон қилди, Камолов укаси учун қасос олмоқчи!
16 август куни Қозоғистоннинг Олма-Ота вилоятидаги Конаев шаҳрида жойлашган ASP Arena мажмуасида ММА бўйича Octagon 77 турнири ўтказилади.
Аввал хабар берганимиздек, мусобақа доирасида таниқли поп-ММА жангчилари — ҳамюртимиз Одилхон Камолов, қозоғистонлик Эркебулан Токтар ва Тожикистон вакили Камил Каратэ ҳам иштирок этади.
Лиганинг маълум қилишича, Токтар (10-3) марказий жангда эронлик Фарзад Гадери (18-14) билан тўқнаш келади.
Қамариддин Ҳасанов (Камил Каратэ, 7-3) эса бошқа бир эронлик спортчи Раҳмонига (3-0) қарши баҳс олиб боради.
Ўзбекистон вакили Одилхон Камолов (6-4) эса кутилмаганда ўзбек спортчиси билан жанг қилиши маълум бўлди. У январь ойида укаси Нодирхон Камоловни нокаутга учратган Дилшод Мадалиев (2-0) билан беллашади.
Ҳавола :
Манба : octagonleague
Фикрлар