09 апр 11:40
Янгиликлар

Бокс/ММА

Octagon League собиқ чемпиони Анвар Абдуллаев нуфузли ММА Лигаси билан шартнома имзолади

Унинг янги ташкилотдаги илк жанги тафсилотлари ҳам маълум.

Ўзбекистонлик таниқли аралаш якка кураш устаси, ўта енгил вазн тоифасида Қозоғистоннинг Octagon League ташкилоти собиқ чемпиони Анвар Абдуллаев фаолиятини Россия Федерациясининг Absolute Championship Akhmat (АСА) Лигасида давом эттиради.

У мазкур Лигадаги илк жангини 8 май куни Тошкент шаҳрида ташкил этиладиган АСА 203 турнирида ўтказади. Мусобақада Абдуллаевга тожикистонлик Маҳди Орзузода рақиблик қилади.

Маълумот учун, Анвар Абдуллаев фаолияти давомида ҳозиргача 9 та жанг ўтказиб, барчасида ғалаба қозонган. Орзузода ҳисобида эса 6 та ғалаба ва 4 та мағлубият бор.