ОФК Осиё кубоги 1/8 финали доирасидаги энг марказий баҳсни ўзбекистонлик ҳакамларга ишониб топширди

Қатар майдонларида ўтказилаётган Осиё кубоги мусобақасининг 1/8 финали доирасидаги Саудия Арабистони – Жанубий Корея ўйинида Илгиз Танташев (бош ҳакам), Андрей Сапенко (ёрдамчи ҳакам) ва Тимур Гайнуллин (ёрдамчи ҳакам) ҳакамлик қилишади. Шунингдек, ушбу учрашувда захира ҳаками сифатида кувайтлик Абдуллоҳ Жамали ишласа, Аҳмад Алали (Кувайт) ВАР ҳамда Одил Али Аҳмад Алнақби (БАА) АВАР вазифаларини бажариши кўзда тутилган.

Мазкур баҳс 30 январь куни соат 21:00 да (Тошкент вақти билан) Ал Райян шаҳридаги “Education City” стадионида ўтказилади.

Осиё кубоги | 1/8 финал босқичи
Саудия Арабистони – Жанубий Корея
30.01.2024 | 21:00

Бош ҳакам: Илгиз Танташев (Ўзбекистон)
Қанот ҳакамлари: Андрей Цапенко ва Тимур Гайнуллин (иккиси Ўзбекистон)
Захира ҳаками: Абдуллоҳ Жамали (Кувайт)
ВАР: Аҳмад Алали (Кувайт)
АВАР: Одил Али Аҳмад Алнақби (БАА)

Ҳакамларимизга мазкур ўйинда омад тилаб қоламиз.