Оғир атлетика. Жаҳон чемпионимиз фаолиятини якунлади

Ҳамюртимиз Осиё чемпиони, ўтган йилги жаҳон чемпионатининг кумуш ва бронза медаллари соҳиби, Ашхободда ўтган Ёпиқ иншоотлардаги Осиё ўйинлари чемпиони, 2010 йили Гуанчжоуда ўтган Осиё ўйинларининг кумуш медал совриндори ҳам ҳисобланади. 

Ефремов ўтган йили АҚШда бўлиб ўтган жаҳон чемпионатида -105кг вазн тоифасида иштирок этиб, даст кўтариш баҳсларида иккинчи натижа (182 кг) билан кумуш медал соҳибига айланганди. 

Силтаб кўтариш баҳсларида эса Иван бешинчи натижани (217 кг) қайд этган ва умумий кўрсаткичларга кўра (399 кг) бронза медали билан тақдирланган эди. Ефремов 2012 йилги Лондон Олимпиадасида 183 кг + 218 кг = 401 кг натижа билан бешинчи ўринни эгаллаганди. 

Биз мақола сарлавҳасида Ефремовни жаҳон чемпиони дедик. Лекин регламентга кўра жаҳон чемпионатларида икки кураш якунларига кўра фақат битта жаҳон чемпиони бўлади. Аммо, Иванда жаҳон чемпионатининг кичик олтин медали бор ва у биз учун жаҳон чемпиони. Биздаги маълумотларга кўра, спортчимиз АҚШга жўнаб кетган.