13 дек 17:11
Янгиликлар

Оғир атлетика

Оғир атлетика. Ригина Адашбоева ҳам Доха Гран-присини кучли ўнликда якунлади

Қатар пойтахти Дохада оғир атлетика бўйича Гран-при мусобақаси ўзининг якуний палласига кирди.

Кеча мусобақа доирасида аёллар ўртасида -81 кг вазн тоифасидаги беллашувлар ўтказилди.

Унда Ўзбекистон терма жамоаси шарафини Ригина Адашбоева ҳимоя қилди. Спортчимиз даст кўтариш йўналишида 106 кг натижа билан еттинчи ўринни, силтаб кўтаришда эса 125 кг натижа билан ўн иккинчи ўринни, икки кураш якунига кўра эса 231 кг натижа билан тўққизинчи ўринни эгаллади.

Аввалроқ, терма жамоамиз аъзоси Муҳаммадқодир Тоштемиров ҳам мусобақада тўққизинчи натижани қайд этган эди. Маълумот ўрнида, эртага турнирдаги сўнгги спортчимиз Рустам Жангабаев супачага кўтарилади. Ҳамюртимиз иштирокидаги баҳс Тошкент вақти билан 12:30 да старт олади.