Оғир атлетикачиларимиз Осиё чемпионатида медаллар бўйича биринчи бўлишди

Нуфузли мусобақада Осиёнинг энг кучли спортчилари иштирок этиб, медаллар учун кескин ва муросасиз беллашувлар олиб боришди.

Қитъанинг 20 дан зиёд давлат вакиллари билан кечган мусобақаларда Ўзбекистон терма жамоаси аъзолари 58 та медални қўлга киритишди.

Мамлакатимизнинг ўсмир оғир атлетикачилари 5 та олтин, 13 та кумуш ва 10 та бронза, жами 28 та медалга эга чиқишди. Ёшларимиз эса ўз ҳисобига 3 та олтин, 7 та кумуш, 20 та бронза, жами 30 та медални қўшиб қўйди.

Бу мусобақадаги энг яхши натижа ҳисобланади.