06 фев 07:53
Янгиликлар

Оғир атлетика

Оғир атлетикачиларимиз хориж йиғинига йўл олди, таркибда Олимпиада чемпиони ҳам бор

Оғир атлетика бўйича Ўзбекистон терма жамоаси Россия федерациясининг Кисловодск шаҳрида ўқув-машғулот йиғинини олиб боради.

Бахром Мендибоев ва Халид Кораний қўл остидаги эркаклар терма жамоаси кеча Кисловодск шаҳрига жўнаб кетди.

Россия Федерациясида ташкил этиладиган ушбу йиғин 26 февралга қадар давом этади. Машғулотлардан кўзланган асосий мақсад – май ойида бўладиган катталар ўртасидаги Осиё чемпионати ҳамда ёшлар ва ўсмирлар ўртасидаги Жаҳон чемпионатида муваффақиятли иштирок этишдан иборат.

Таъкидлаш лозим, Кисловодскдаги йиғинга жами 18 нафар спортчи жалб этилган.