Olamsport.com сайти журналистлари Канело-Бивол жангига ўз тахминларини билдиришди

Камолиддин Aлимов

Канело-Бивол жангида имкониятлар мексикаликнинг фойдасига - 60/40. Бир нарсани унутмаслик керак - Сауль одатдагидан битта юқори вазнда рингга кўтарилади. Бу Дмитрийга устунлик бериши мумкин. Бу унинг вазни ва камарини 10 марта муваффақиятли ҳимоя қилган. Лекин Aльварес бежизга P4P рейтингида етакчи эмас. Унга ортиқча таъриф шарт эмас. Янги вазндаги мотивация, тажриба, бундан ташқари оқшом Мексикага яқин ҳудудда бўлиб ўтади. Шу нуқтаи назардан ҳам Канелонинг ғалаба қозониш имкониятлари юқори. Жанг 9 ёки 10-раундда якунланади.

Aзиз Тўхтамуродов

Канело ва Бивол ўртасидаги жанг оқшомида фақат икки боксчига мухлислик қиламан: ўзимизнинг Элнур Абдураимов ва Шаҳрам Ғиёсов. Марказий жангда эса чиройли бокс томоша қилмоқчиман. Жанг тўлиқ давом этиб, унда Сауль Альварес ғалаба қозонса керак. Вазн ўзгаргани ҳисобига унинг имкониятлари бироз пасайиб, Биволда устунлик ошгандек тасаввур уйғониши мумкин, лекин бугунги кунда Канелонинг мағлуб бўлишини шунчаки тасаввур қила олмаяпман.

Ниғмонхўжа Нозимов

Канело Бивол жангида россияликка мухлислик қиламан. Aйнан Бивол Канелонинг енгилас эмаслигини исботлаб берадиган боксчи бўлишига ишонаман. Кўпчилик бу жангда айнан мексикаликнинг ғалабасини кутмоқда, бироқ Бивол бу тахминларга нуқта қўяди. Жангда нокаут эвазига Бивол ғалаба қозонади деб умид қиламан, чунки жанг тўлиқ 12 раунд давом этса катта эҳтимол билан ҳакамлар ғалабани Саулга бериб юборишади.

Сарвиноз Рахмонқулова

Ҳар икки боксчига бирдек мухлислик қилганман. Лекин журналист сифатида боксда интирга ортиши, Канелони тўхтатиши мумкин бўлган боксчи борлигини кимдир исботлаши керак бўлгани учун ҳам бу жангда Дмитрий Бивол ғалаба қозонишини истайман.

Бивол Канелонинг карьерасидаги энг жиддий рақиб эканлигини исботласа, проф боксда янги тарих яратилар эди. Бу шунчаки хоҳиш. Aсл ҳақиқатга қарайдиган бўлсак, барибир бу тўқнашувда мексикалик устун. Канело-Бивол учрашуви 12 раунд юқори темпда давом этиб, якунда Aмерика тантана қиладиган жанг сифатида тарихда қолади.

Хуршида Aбдикулова

Бокс мухлислари орзуқиб кутаётган оқшом кутилганидек энг зўр кеча бўлишига ишонаман. Канело ва Бивол ўртасидаги жангга келадиган бўлсак, бу баҳсда Сауль ютса керак деб ўйлаяпман. Аммо олдиндан бир нима деб бўлмайди. Сабаби Бивол ҳам жангга жиддий тайёргарлик кўрди. Энг муҳими жанг охиригача давом этиши тарафдориман. Барчасини эртага тонгда билиб оламиз. Кечада рингга кўтариладиган Шаҳрам Ғиёсов ва Элнур Абдураимовга омад тилайман ва улардан фақат ғалаба кутаман.

Камрон Ҳасанов

Бу жангда барибир Бивол ғалаба қозонишини хоҳлайман. Бивол масофада яхши ишлайди, ўйлайманки жангни ўз фойдасига ҳал қила олади. Aлбатта, Канело P4P юлдузи ва ном жиҳатдан бу жангда у фаворит деб кўрилмоқда. Бу жангни олдиндан тахмин қилиш қийин. Нима бўлганда ҳам тўқнашув жуда қизиқ бўлишига ишонаман. Бивол ғалаба қозонишни истаса жангни муддатидан олдин якунлаши керак. Менимча, жанг охиригача давом этадиган бўлса, Канелонинг ғалаба  қозониш имконияти юқори бўлади.

Диёр Мавлонов

Канело-Бивол жангида кўпчилик сингари мен ҳам россиялик боксчига мухлислик қиламан, бу ҳудди футбол ўйинига ўхшайди, ёшроқ, кучсизроқ бўлган жамоага мухлислик қилганингиздек. Шундай бўлсада, Бивол Канело учун сўнгги йиллардаги энг муносиб рақиблардан, жанг қизиқарли ўтиши аниқ. Жангда Саулнинг қўли баланд келиши эҳтимоли кўпроқ. Лекин менимча, жанг дуранг натижа билан якунланади.