Олимжон Назаровнинг навбатдаги ҳимоя жанги санаси, рақиби ва манзили маълум

Енгил вазн (50,8 кг) тоифасида WBO Oriental камари соҳиби бўлиб турган ҳамюртимиз 10 декабрь куни Вьетнамнинг Хошимин шаҳрида ташкил этиладиган профессионал бокс оқшомида рингга кўтарилади. Назаровнинг 12 раундлик жангдаги рақиби таиландлик Мажунгоен Жакравут бўлади. 

Маълумот учун, 27 ёшли Жакравут проф рингда 46 та жанг ўтказган бўлиб, 42 ғалаба (21 нокаут), 2 дуранг ва 2 мағлубият қайд этган. 38 ёшли Назаров эса 33 та жанг ўтказган. Ҳисобида 28 ғалаба (15 нокаут) ва 5 та мағлубият бор.   

Эслатиб ўтамиз, боксчимиз охирги жангида филиппинлик Биенвенидо Лигасни 114:113, 115:112, 115:112 ҳисобларида мағлуб этиб, ўзига тегишли WBO Oriental камарини муваффақиятли ҳимоя қилганди.