13 мар 21:43
Янгиликлар

Таэквондо

Олимпиада чемпиони Улуғбек Рашитов яна шоҳсупада!

Эрон пойтахти Теҳрон шаҳрида "Осиё таэквондо федерацияси президенти кубоги" мусобақаси якунига етди.

Сўнгги кунда 8 нафар таэквондочимиз даянга чиқди. 68 кг вазн тоифасида Олимпиада чемпиони Улуғбек Рашитов финалда яна бир ҳамюртимиз Диёр Тухлибоев билан тўқнаш келди. Ушбу беллашув ўтказилмади ва Рашитов олтин, Тухлибоев кумуш медали соҳибига айланишди.

Худди шу вазнда ўзбекистонлик Нажмиддин Қосимхожиев бронза медалига эга бўлди. 80 кг вазн тоифасида Шуҳрат Салаев ярим финалда эронлик таэквондочига ютқазди ва бронза медаль билан чекланди.

Шунингдек, бугун ҳамюртларимиздан Отабек Турғанбеков, Дониёр Маҳкамов, Сардор Тоиров ва Шоҳруҳ Ражабов ҳам мусобақада иштирок этишди.

Эслатиб ўтамиз, кеча 63 кг вазн тоифасида Нияз Пўлатов кумуш, Жасур Жайсунов (74 кг) ва Никита Рафалович (-87 кг) бронза медалини қўлга киритган эди.